PNP, impasiguradoda iti Senado a maipatulod ti nasurok 17,000 a body-worn camera inton Mayo

Manamnama a maipatulod iti umuna a lawas ti Mayo ti Philippine National Police ti nasurok 17,000 a body-worn camera.

Umabot iti 17,454 unit dagiti body-worn camera nga aggatad iti P872 million.

Segun ken ni PNP Director for ICT Management Police BGen. Englebert Soriano, umabot iti P32,000 ti gatad ti kada unit ti body camera.

Adda livestreaming capability dagiti body-worn camera nga adda pay nayonna a desktop computer ken network-attached storage.

Target ti PNP ti makagatang iti 90,000 a body camera agingga 2028.