Pinasingkedan ni Acting Philippine National Police (PNP) Chief Lt. Gen. Jose Melencio Nartatez Jr. nga awan ti padrino system iti proseso iti recruitment ti law enforcement agency.
Ti PNP ket agsapsapul iti 6,589 recruits ita a tawen para iti attrition quota-da wenno ti bilang dagiti recruit a kasapulanda tapno mapagtalinaed ti pigsa ti tao kadagiti unit-da.
Segun ken ni Nartatez, siguradoenda iti publiko a maileppas iti salinong iti nameless, faceless recruitment system, kayatna a sawen ket awan ti padrino, awan ti backer ken awan ti special treatment.
Kinuna ni PNP Public Information Chief Brig. Gen. Randulf Tuaño a mabalin nga agipasa dagiti aplikante kadagiti kasapulan nga aplikasion iti lokal nga istasyon iti polis wenno ipasa iti online.
Masapul laeng nga ipasa ti Philippine Statistics Authority-issued birth certificate iti aplikante, College diploma ken transcript of record nga adda nakalanad a general weighted average, Certificate of good moral character manipod iti pagadalan a serserkan, Eligibility certificate ken report of rating manipod iti National Police Commission, Civil Service Commission wenno Professional Regulation Commission.
