Nakigtot ti pamilia ni Alvin Que ken dagiti opisyal ti Philippine National Police Task Force iti panangidaulo da Deputy Chief for Investigation Lt. Gen. Edgar Alan Okubo ken CIDG Chief PMaj. Gen. Nicolas Torre III dagiti rimmuar a report a karaman ni Alvin Que iti kaso ti panagdukot ken pammapatay ti amana a ni Anson Tan wenno Anson Que.
Inlawlawag ni PNP Spokesperson PBGen. Jean Fajardo a maibasar kadagiti ebidensya nga iggem ti Task Force ket nadalus ti nagan ni Que ken awan ti pakainaiganna iti krimen.
Ti kumpirmasyon ket naidanonen ti Department of Justice (DOJ).
Immunan a kinuna ni Atty. Kit Belmonte nga abogado ni Que nga awan ti pagibasaran dagiti pammabasol ni David Tan Liao a kangrunnan a suspek iti krimen.
Kabayatanna, nagyaman ti kampo ni Que iti napaspas a tignay ken panagilawlawag ti PNP babaen ti panangidaulo ni PNP Chief PGen. Rommel Francisco Marbil.
