--Ads--
Naikkat ti puesto ni Anti-Kidnapping Group Director PGen. Elmer Ragay kalpasan a naawanan ti talek kenkuana ni Philippine National Police Chief Gen. Rommel Francisco Marbil.
Segun ken ni PNP Spokesperson PBGen. Jean Fajardo, saan a satisfied ni Marbil iti panangidaulo ni Ragay kangrunaan iti panangiggemna iti agsasaruno a kidnapping cases a nakainaigan ti Chinese nationals.
Karaman kadagiti kontrobersyal a kaso nga ig-iggaman ni Ragay ket ti kaso ti Chinese businessman a nadukot ken nasarakan a natay idiay Rizal ken ti pannakadukot ti estudyante idiay Taguig idi Pebrero.
Insigida met a nadutokan ni Col. David Poklay kas baro a hepe iti AKG a dati a mangidaulo ti Directorial Staff iti Criminal Investigation and Detection Group (CIDG).
-- ADVERTISEMENT --
