Personal a nagturong ni Philippine National Police Chief Police General Rommel Francisco Marbil idiay Rizal, Cagayan tapno amoen ti kasasaad ti imbestigasyon iti pammapatay ken ni Mayor Joel Ruma.
Immuna a binisita ni Marbil ti nakamasayagan ni Mayor Ruma idiay Barangay Gagabutan tapno makipagladingit iti pamilia sa napan iti nakapasamakan ti krimen.
Segun ken ni Marbil, saan nga agsardeng ti kapulisan agingga saan a naipapaay ti hustisia.
Kabayatanna, kinataripnong ni Marbil ti Rizal police ken ti Special Investigation Task Group dagiti uppat a local police security ti mayor tapno alaan iti statement ken ur-urayenda laengen ti resulta ti paraffin test ken forensic ti service firearms da.
Maibasar iti inisyal a report, napaltugan ni Mayor Ruma iti sniper kabayatan nga adda iti katengngaan ti kampanya.
