Inallukoy ni Philippine National Police Chief PGen. Nicolas Torre III dagiti pulis idiay Camp Crame ken dadduma pay a unit a mangtedda iti opinyon iti agdama a General Office Attire -C a maar-aramat ita kas opisial nga uniporme.
Segun ken ni Torre, napateg a maamuan no komprtable ken praktikal ti baro a setup ti uniporme para iti inaldaw a trabaho dagiti pulis.
Binilin pay ni Torre ti Directorate for Research and Development a mangisayangkat iti survey mainaig iti daytoy a banag.
Maysa pay kadagiti ipagpaganetget ti PNP chief ti patakaran iti ballpen iti uniporme ta akairuaman ti amin nga adda itugotda a pagsurat ngem saanda a mapalubosan nga ikabil ti mismo a ballpen slots iti uniporme.
Nupay kasta, isingsingasing ni Torre a pagbalinen laengen daytoy a personal touch kas ti simple a relo a maisuot, no la ketdi minimalist ken adda serbina.
