--Ads--
Impaganetget ti Philippine National Police a saan a droga no di ket amin a klase ti krimen ti bantayan dagiti pannakabagi ti linteg.
Dayta ti inlawlawag ni PNP Chief PGen. Nicolas Torre III kasaruno ti pammilin ni Presidente Ferdinand Marcos Jr a pagtalinaeden ti kinaurnos ken kinakappia ti pagilian.
Segun ken ni Torre, obligasyon ti kapulisan nga agresponde iti ania man a reklamo dagiti umili.
Innayon ti PNP chief a saan a nasken nga agturong iti kinaranggas dagiti panagtuliw no di ket nasken a masurot ti due process ket idayaw ti karbengan para ti tao.
-- ADVERTISEMENT --
Inlawlawagna pay a no awan ti abogado ti maysa nga akusado, adda libre a legal a tulong manipud iti Public Attorney’s Office.
