--Ads--
Agdeploy ti Philippine National Police (PNP) iti ad-adu pay a polis iti Senado ken kadagiti kaasidegna a pasilidad iti gobierno iti baet ti maipatpatungpal a political tension a posible nga agresulta kadagiti protesta ken demonstrasyon.
Segun ken ni PNP Chief Gen. Jose Melencio Nartatez Jr., nabilin ti National Capital Region Police Office (NCRPO) ken dadduma pay a local police units a mangipatungpal ti precautionary security measures iti aglawlaw iti Senate Complex.
Kinuna ti PNP Chief a gagem ti presensya dagiti polis a masigurado ti kinatalged iti publiko ken mapagtalinaed ti agtululoy nga operasyon iti gobierno.
Makikamkammayeten ti PNP iti Senate security, dagiti lokal a gobierno ken traffic management authorities.
-- ADVERTISEMENT --
