Impakaammo ni Ombudsman Jesus Crispin Boying Remulla a naipila para iti preliminary investigation ti sumagmamano a kaso kontra kada Batangas 1st District Representative Leandro Leviste ken Senador Loren Legarda.
Segun ken ni Ombudsman Remulla, dagiti reklamo a maidalan iti ‘preliminary investigation stage’ ket pakairamanan ti plunder, graft, ken conflict of interest.
Mainaig dagiti reklamo iti Solar firm wenno kompania ti agpampanday linteg a napaay nga aramiden ti kari wenno responsibilidad a makaipaay ti ‘Solar energy’ para iti pagilian.
Inlawlawag ti Ombudsman no apay a nairaman ti ina ti agpampanday linteg a ni senador Loren Legarda iti kaso ket gapu iti maipagarup a panagaramat na ti posision kas chairman idi ti Senate Finance Committee tapno maikkan ti prangkisa ni Leviste.
Depensa ni Remulla a saan daytoy a maibaga nga adda impluwensia na daytoy iti politika gapu ta nainget daytoy a na-adal.
