VIGAN CITY- “Plain view doctrine” laeng iti masapul nga ipatungpal dagiti kapulisan nu adda ti checkpoint maisayangkat, dayta ti reaksyon ni Police Chief Superintendent Romulo Sapitula, regional director ti Police Regional Office 1, inaig iti umadanin a panangipatungpal da ti COMELEC checkpoint kagiddan ti implementasyon ti Comelec Gun Ban.
Naibaga ni Sapitula babaen iti interview ti Bombo Radyo Vigan a nu simple a checkpoint laeng ket mabalin a siripen laeng dagiti otoridad ti uneg ti lugan isu nga awan iti rumbeng a pagdanagan dagiti umili.
Ngem, kinunana a nu adda ti impormasyon a maawat da inaig iti lugan a mapapati a karaman iti maysa a krimen wennu anyaman nga anomalya ket masapul a lukaisan da amin a parte ti naitimbre kadakuada a lugan kas paset iti trabaho da a mangpatalinaed iti seguridad dagiti umili, nangruna iti kappia, linak ken talna iti maysa a lugar.
