Uppat a tattao iti nadunor iti uram a napasamak iti maysa a two-story residential house idiay Parañaque City.
Segun ken ni SFO2 Giovani Corbes iti Parañaque Bureau of Fire Protection, dagiti nadunor ket da FO1 Reynan Jamys Dequina nga agtawen iti duapulo ket innem; Alejandro Ariston agtawen iti sangapulo ket pito; Nathaniel Valdepeña agtawen iti sangapulo ket pito; ken Adrian Rafael Tolledo agtawen iti sangapulo ket siam.
Ti uram ket nangrugi iti kusina ti ground floor iti pagtaengan a kukua ni Larry Delahida idiay Buho, San Antonio Avenue idiay San Antonio Valley 1.
Napaspas a nagkayamkam iti uram ta umabot iti tallopulo iti naapektaran a pagtaengan a naaramid iti light materials isu a pitopulo a pamilia wenno 210 nga indibidual iti naawanan ti pagnaedan.
Nupay kasta, agtultuloy iti imbestigasyon dagiti otoridad iti nagtaudan iti uram.
