VIGAN CITY – Maysa a pito bulan a masikog a babai ti napan gimmatang ken kinabil ti maysa a lalaki idiay Brgy. Dalawa, Alilem.
Nabigbig ti biktima a ni Remazareth Leal agtawen sangapulo ket siam, single ken pito bulan a masikog ken agnaed ti nasao a barangay ken ti suspek a ni Abegail Fabro agnaed ti Slaughter Compund, Baguio City a tubo ti nasao a barangay.
Basar ti report manipod Alilem Municipal Police Station, magmagna ti biktima a mapan gumatang iti taraon ket dimteng ti suspek ket awan iti aniaman a rason dinanogna ti rupana.
Rimmuar iti imbestigasyon dagiti pulis nga adda iti daan a susik dagiti dua maipanggep ti kwarta.
Naipan ni Leal idiay Candon City General Hospital para iti pannakatmaingna ken dimmalan ti medical examination ta makita iti kasasad ti sikogna.
Insigida a naglibas ti suspek a ni Fabrro kalpasan iti nasao a pasamak.
