--Ads--
Sapsapulen dagiti pannakabagi ti linteg idiay Amerika ti lisensiado a Pilipino a physical therapist a ni Conrado Lopez Jr. gapu iti mapapati a USD18.4 milyon (P1.1 bilion) a Medicare ken Medicaid fraud scheme.
Segun iti US Department of Health and Human Services Office of Inspector General, immamin ni Lopez a pinirmaanna dagiti backdated a medical records ken iti panangipasana iti reimbursement claims para kadagiti serbisio a saan a naited wenno saan a kasapulan.
Mapatta-patta a USD2.8 milion wenno P172 milion kadagiti claim ti nainagan kenkuana kas rendering provider.
Mapapati nga adda idiay Manila wenno United Arab Emirates ni Lopez, isu a nagpatulong dagiti otoridad iti publiko para iti pannakatiliwna.
-- ADVERTISEMENT --
