--Ads--
VIGAN CITY – Gold medalist ni Filipino pole vaulter ken Olympian EJ Obiena iti 6TH Irena Szewinska Memorial idiay Poland ta nakabaelanna a linagto ti 5.97 meters nga isu ti season-best na.
Ni Obiena ket agdama a world No 3 gapu iti panangabakna kontra kadagiti nalaing a pole vaulter a da Greek athlete Emmanouil Karalis ken ti 3rd placer a ni Piotr Lisek.
Kabayatanna, ti sumaruno a laban ni Obiena ket inton bigat idiay Poznan, Poland.
Segun ken ni Obiena, leppasenna pay dagiti nakalinya a labanna iti nadumaduma a paset ti pagilian sakbay ti panaginana ken panangsanayna para iti Paris 2024 Olympics a mapasamak inton July 26 agingga August 11.
-- ADVERTISEMENT --
