Pinoy athletes a simmali iti Sea Games, nakiddaw a padayawan iti Senado

Kiniddaw ni Senator Jinggoy Estrada a padayawan dagiti atleta a Pilipino a nakipaset ti 33^rd SEA Games idiay Thailand.

Iti naipila a Senate Resolution 210, dayawen ni Estrada iti amin nga atleta a Pilipino iti SEA Games, nangabak man wenno saan.

Maika-innem iti Pilipinas iti over-all standing ken maikapat iti kinaadu dagiti medalya ta nakaala iti limapulo a gold, 73 a silver ken 154 a bronze medals.

Impaganetget ni Estrada a rumbeng laeng a mapadayawan amin nga atleta a Pilipino ta tunggal medalya a nagun-odda ket adda katukadna a nakaru a sakripisyo.

Dagiti atleta a Pilipino a nangipakita iti laingna idiay Thailand ket da Alex Eala iti Tennis, EJ Obiena iti Pole Vault, Sisi Rondina, Bernadeth Pons, Dij Rodriguez ken Sunny Villapando iti Beach Volleyball.