--Ads--
Maysa a Pinay ti nangted iti pammadayaw iti Pilipinas kalpasan a makastrek iti semifinals ti World Championship of Performing Arts (WCOPA) idiay Amerika.
Iti pannaki-uman ti Bombo Radyo Vigan ken ni Christianne De Peralta Bernal, nalaus ti panagyamanna iti naragpatna a balligi a kunana ket bunga iti nainget a panagsagana ken dedikasionna.
Innayon ni Bernal a dimmalan isuna iti panagsanay babaen iti world coach, ken pinagtalinaedna ti healthy diet, naan-anay a panaginana, ken positibo a panagpanunot tapno maliklikan ti stress sakbay ti kompetision.
Ubing pay laeng idi ket arapaapnan ti makagteng iti international stage isu a binalakadanna met dagiti agar-arapaap a makigiddan iti international competition a tungpalenda dagiti arapaapda.
-- ADVERTISEMENT --
