Maysa a Filipina nurse practitioner ti sumangsango ita ti agduduma a federal charges idiay United States kalpasan a naakusaran a mastermind iti maysa a nalawa nga healthcare fraud scheme a maipagarup a nangswitik iti Medicare ken TRICARE ngyi dandani US$1 bilyon wenno mapatta-patta a P51.6 bilyon.
Nabigbig ti suspek a ni Marizel Yukee, residente ti Las Vegas, nairuaran ti warrant of arrest ti United States District Court for the Southern District of Texas.
Nakasoan isuna ti conspiracy to commit healthcare fraud ken wire fraud, healthcare fraud, conspiracy to pay and receive illegal kickbacks, ken money laundering.
Segun kadagiti federal prosecutor, maipagarup a target ti operasion dagiti nataengan ken pasiente nga adda nakaru a sakit na babaen ti panangted ti saan a kasapulan a wound treatments, ket kalpasan na ket masingir kadagiti government health programs.
