Indalan iti home detention dagiti otoridad idiay United States ti Filipina nurse a naakusaran gapu iti mapapati a pannakairamanna iti mapapati a $1billion healthcare fraud scheme.
Nabigbig ti Filipina nurse a ni Marizel Yukee, agtawen iti uppat a pulo ket siam nga agnaed idiay Las Vegas a nakemmeg idiay Houston, Texas kalpasan a nangiruar ti warrant ti maysa a federal court idi June 18.
Sumangsango ni Yukee iti sumagmamano a kaso maipanggep ti healthcare fraud, money laundering ken panagawat iti mapapati nga illegal a komisyon kasukat dagiti referral iti pasyente.
Naammoan nga indauluan ni Yukee ti maysa a $906 million fraud scheme a nakairamanan ti Medicare ken TRICARE a dua a health insurance program iti Amerika.
Umabot pay iti $297 million ti kuarta a nabayadan ti Medicare ken TRICARE gapu iti operasyon.
Naala pay kenkuana ti nasurok-kumurang $5.2 million a gatad ti assets, pakairamanan dagiti kuarta, agkakangina a lugan ken alahas.
