--Ads--
Pinasingkedan ti Department of Foreign Affairs (DFA) ti panagladingitda iti pannakatay ti maysa a Pilipina kalpasan a natamaan iti missile attack iti maysa a pagtaengan idiay Haifa, Israel idi April 5, 2026.
Natay pay iti insidente ti asawana nga Israeli ken dagiti katuganganna.
Segun ti DFA, insigida nga impakaammo ti Philippine Embassy idiay Tel Aviv ti pasamak iti pamilia iti biktima ken agdaman a maipapaay iti tulong a kasapulan pakairamanan iti pannakasimpa iti napaspas a repatriation iti bangkay ti Pilipina iti baet a narigat iti sitwasyon iti panagbiahe iti rehiyon.
Kiniddaw ti pamilia ti biktima para iti pribado a panawen tapno makapagladingit iti pasamak.
-- ADVERTISEMENT --
