--Ads--
Mangrugi inton Hulyo ti pilot rollout ti Unified Persons with Disabilities ID system kadagiti 35 a probinsia tapno labanan ti peke a PWD ID ken mapaalisto ti panagala iti benepisyo ti pudno a PWD.
Segun ken ni Glenda Relova, Executive Director ti National Council on Disability Affairs, maaddaan iti maymaysa a disenyo, maymaysa nga issuing authority, ken advanced a seguridad karaman ti RFID.
Iti agdama, nadumaduma nga LGU ti agar-aramid iti PWD ID isu a timmaud ti pannakaallilaw ken panagswitik.
Ti baro a sistema ken konektado iti National ID ken e-verifier tapno masigurado a pudno dagiti ID.
-- ADVERTISEMENT --
Maideliver ti physical ID iti uneg ti tallo a bulan idinto nga adda digital version a mabalin nga idownload.
