Impaganetget ni Sen. Panfilo Lacson a saan a flood control iti sapsapulen ita dagiti umili nu diketdi greed control gapu iti nakaru a korapsyon iti flood control projects kalpasan kadagiti napaay, substandard ken ghost projects.
Segun ken ni Lacson, saan pay a nakuntento iti pie sharing wenno panagbibingay ti pondo ta immabot pay iti saan a pannakaaramid kadagiti proyekto.
Kinunana a simmubra iti panagbalin a naagum dagiti karaman iti korapsyon ken awanen iti bibiangda iti siasinoman a maidadanes.
Impaganetgetna a madusa dagiti opisyal a karaman iti anomalya.
Binabalawna pay ti monitoring system iti DPEH a napaay a nangbantay kadagiti proyekto kangrunaan ket nakaipasidong iti panangidaulo ti maysa nga undersecretary.
Kinontra ti senador ti sarita ni DPWH Secretary Manuel Bonoan nga “isolated” laeng dagiti flood control projects ta mismo a ni Pres. Ferdinand Marcos Jr. iti mismo a nakadiskubre ken nangibutaktak.
