--Ads--
Nagpanawagan ti gobierno ti pagilian kadagiti Pilipino nga agkalma ken lisyan dagiti ania man nga addang a mangpakaro iti rinnupak a mabalin a pangta iti kappia ken seguridad iti Middle East ken iti intero a lubong.
Segun iti Department of Foreign Affairs, prayoridad ti gobierno ti kinatalged ken proteksyon kadagiti Pilipino iti rehion nangruna ta mairamraman dagiti dadduma pay a pagilian.
Nakasagana ti Embahada ti Pilipinas iti rehion a mangted kadagiti kasapulan a tulong kadagiti Pilipino iti masakupanda.
Impaganetget ti pagilian ti panagkasapulan iti maysa a nakappia ken diplomatiko a solusyon iti nasao a krisis.
-- ADVERTISEMENT --
