--Ads--
Nangrugin nga agexport ti Pilipinas iti mangga a maipan idiay Canada kas paset iti addang ti Department of Agriculture a mapalawa ti merkado dagiti agricultural product ti pagilian.
Segun iti DA, immuna a naipatulod ti nasurok-kumurang maysa a metriko tonelada ti mangga manipud Northern Luzon ken Zambales a mapan idiay Toronto, Canada idi Hunyo 3, ken manamnama ti sumaruno pay a shipment inton umay a lawas.
Gagem ti programa a mapalawa ti export market ti mangga ti Pilipinas ken dadduma pay a high-value crops kadagiti pagilian ti Japan, China, EU ken Middle East, tapno manayunan ti pastrek dagiti mannalon ken ti pagilian.
