Nangabak manen ti Pilipinas a world’s leading dive destination ita a tawen ti World Travel Awards, nga isun iti maikainnem a tawen a pannakagun-od iti pammadayaw kas impakaammo ti Department of Tourism (DOT).
Segun ken ni Tourism Secretary Christina Garcia-Frasco, ti World Travel Awards ket maibilang nga Oscars of the travel industry ket pinadayawanda iti pagilian a world’s leading dive destination iti 2024.
Nangabak ti nasao a pammadayaw iti pagilian manipod 2019 agingga 2023 ken nangabak pay kas Asia’s leading dive destination para iti 2024 a kualipikado para ti global category.
Impakaammo ni Frasco ti baro a pammadayaw idi kalman bayat ti launch iti Philippine Dive Experience Program idiay Batangas a most popular para iti dive destination Anilao.
Innayonna a nakaur-or iti pagilian iti P73 billion manipod dive industry idi 2023.
