Naartapanen iti Pilipinas ti Singapore a pagilian a kanginaan iti singit iti kuryente iti Southeast Asia kas pinasingkedan ti Department of Energy (DOE).
Segun ti DOE, umabot iti P12.43 kada kilowatt-hour (kWh) ti average residential electricity rate iti pagilian idi Hunyo, nangatngato iti P12.34 kada KWh iti Singapore.
Nagballaag pay ti DOE a posible a ngumina ti kuryente kadagiti sumarsaruno a bulan gapu iti panagpangina ti presyo ti fuel iti world market gapu iti ikakaru ti tension idiay Middle East.
Kinuna ti DOE a ti kangrunaan a rason ti nangina a singir ket ti pagkurangan ti suplay ti kuryente, kangrunaan idiay Visayas, a saan a naka-operate iti sumagmamano a power plants idi nabara iti panawen a gappuanan dagiti distributor nga aramaten ti nangin-ngin a power plants.
