Pinatibker ti Pilipinas ken Amerika ti alyansada iti seguridad kalpasan a naisayangkat ti maika-sangapulo a Bilateral Maritime Cooperative Activity idiay West Philippine Sea (WPS).
Segun ti Armed Forces of the Philippines (AFP), napasamak iti military exercise kadua ti United Stated Indo-Pacific Command iti paset ti kabaybayan iti laud a kabaybayan iti Zambales a sakup ti exclusive economic zone iti pagilian.
Impakita iti AFP ti pumigpigsa a kabaelan iti pagilian iti pannakilaban kadagiti komplikado nga operasyon iti kabaybayan kalpasan a nai-deploy ti guided missile frigate BRP Miguel Malvar (FFG-06), tallo nga A-29B Super Tucano, tallo nga FA-50 fighter jet ken maysa a Sokol search and rescue helicopter.
Kabayatanna, iti biang ti Amerika ket nakipaset tu guided missile cruiser USS Robert Smalls (CG-62), maysa nga MH-60R Seahawk helicopter ken P-8A Poseidon maritime patrol aircraft.
Karaman kadagiti aktibidad ti communication checks exercise, maritime domain awareness reporting, raid exercise, dividion tactics, officer of the watch maneuver, photo exercise ken low pass wenno fly-by.
