Impakaammo ti Department of Migrant Workers (DMW) a nagpirma ti Pilipinas ken Finland iti joint declaration of intent tapno masigurado ti ethical ken sustainable labor mobility para kadagiti skilled Filipino workers iti European country.
Nagpirma ni Secretary Hans Leo Cacdac ken Finnish Employment Minister Arto Satonen iti joint declaration of intent bayat iti seremonya idiay Mandaluyong City.
Impannakkel ni Secretary Cacdac iti panagpirma kagiddan ti panangibingay dagiti dua a pagilian ti sirmata iti labor mobility iti fairness, dignity ken mutual benefit.
Ti kolaborasyon ket ag-reflect iti collective commitment iti panangpasayaat ti interest dagiti mangmangged a Pilipino ken panangpapigsa iti international partnerships.
Malaksid iti panangpadur-as iti sustainable labor mobility, nagtulag pay iti pagilian ken Finland a salakniban iti karbengan ken pagsayaatan dagiti mangmangged a Pilipino, labanan ti exploitation ken pannakaabuso iti international recruitment, panangsuportar iti employment opportunities ken skills deployment, ken panangpapormal ti memorandum of understanding.
