Pinasingkedan ni Department of Foreign Affairs Secretary Theresa Lazaro nga ikonkonsidera ti pagilian ti agangkat iti langis idiay Russia iti baet ti agtultuloy a panagpangina ti presiona gapu iti riribuk iti nagbaetan ti Amerika, Israel ken Iran.
Segun ken ni Lazaro, ti Department of Energy ti agdesision iti nasao a banag.
Dayta ket kasaruno iti panangikkat iti sanction ti Amerika kontra iti Russian crude oil iti baet ti ngumin-ngina a presio ti langis sipud rinikpan ti Iran ti Strait of Hormuz.
Inwaragawag ti White House a tapno agtalinaed nga stable ti global energy market, adda temporario nga authorization manipud Amerika.
Maipalagip a pinasingkedan idi kallabes ni Presidente Ferdinand Marcos Jr nga agsapsapul ti pagilian iti sabali a pangalaan iti langis gapu iti panagpangina ti presio.
