VIGAN CITY- Agsusukot a kaso iti naipila kontra kadagiti agkakabsat a da Pilar, Abra Mayor Mark Roland Somera ken Vice Mayor Jaja Josefina Somera Disono.
Panaglabsing iti Republic Act 9208 as amended by RA 10364 wenno expanded trafficking in person act ti naipila iti prosecutor’s office kontra kada Mayor Somera ken Vice Mayor Disono nga adda kainaiganna iti panagsuko ti sangapulo ket dua a militar a security aide ti agkabsat iti nasapamak nga standoff idi March 29, 2022 a nakatayan ti maysa a tao.
Kaso a panaglabsing iti Article 151 iti Revised Penal Code or Serious Disobedience of Lawful Orders of Agenct of Person in Authority iti sangwen dagiti security aide a da Jericho Toreno Bufil, Robert Boreta Toreno, Emmanuel Nicanor Valera ken Sandee Boy Bernudo kalpasan a tinarayanda iti PNP ken Comelec spot checkpoint nga ipapatungal iti PNP personnel.
Iti napasamak a pammaltog, natay ni Bermudo a taga-Makati.
Multiple attempted murder case met iti sangwen iti korte ni Jericho Toreno Bufil a mapapati a nagpaputok iti paltog kadagiti kimmamat a pulis.
Naisina pay a kaso iti panaglabsing ti RA 7166 in relation to Batas Pambansa 811 wenno unauthorized employment of bodyguards/security aides iti maisagsagana kontra ken ni Mayor Somera ken Vice Mayor Disono idinto a violation of section 261, BP 811, Gun Bun iti kaso a naipila kontra iti bise mayor a nakaituding nga I-endorso iti Regional Office iti Comelec.
Narekobre pay iti paltog ti SOCO team manipod iti uneg iti puraw a van nga inaramat dagiti security aid dagiti Somera a nagpositibo iti gun powder residue.
Pinasingkedan ni Abra Police Provincial Office Provincial Director Police Col. Maly Cula nga agserbi nga adal kadakuada ken iti intero nga Abra iti nasao a pasamak.
Rumbeng laeng nga agbalin a naalibtak, nasipot ken nainget kadagiti amin a lugan a dumaldalan iti PNP-Comelec checkpioint uray siasinoman iti kargada, opisyal man wenno saan a kameng iti gobierno.
Kasta pay a rumbeng a pagtalinaeden a kalmado iti bagi, agbalin a nadayaw iti tunggal maysa tapno magun-od iti kalikagum a Safe, Accurate, Fair ken Free ita a May 9, 2022 national ken local elections.
