VIGAN CITY- Siyam a gasut a ribo a pisos a gatad ti marijuana iti nakompiskar dagiti otoridad iti checkpoint idiay Brgy. Dalawa, Alilem,Ilocos Sur.
Maibasar iti impormasyon, nakaawat ti report ti Alilem Municipal Police Station nga adda ti lumabas a van iti nasao nga ili a nagapu idiay Kayapa,Bakun, Benguet a nagkarga ti marijuana.
Pinasardeng dagiti otoridad iti nasao a van a minaneho ni Benedix Bacona , agtawen ti 40, a tubo ti Kayapa, Bakun Benguet ngem agnanaed idiay San Fernando City, La Union kadwa na ni Luis Laudo a taga Kibungan, Benguet ket idi ininspeksyon dagiti otoridad ti lugan, nakita da dagiti 22 a piraso ti rolled marijuana fruiting tops , 10 a bricked marijuana fruiting tops ken Php80,000 a kuarta.
Adda iti kustodiya ti Alilem-MPS dagiti suspek.
