Umabot iti Php15 billion a pondo ti kasapulan para kadagiti evacuees a naapektaran ti panagbettak ti Kanlaon Volcano no dumanon daytoy iti alert level 4.
Segun kenni Office of Civil Defense-Western Visayas projects, ti pondo ket mailatang para kadagiti kasapulan ti evacuees a kas ti taraon nga aggatad ti P606,599,482; danum nga P189,428,931; facilities a P507,066,638, ken cash assistance a nasurok Php14-billion iti uneg laeng ti tallopulo nga aldaw kas maibasar iti record manipud Philippine Statistics Authority (PSA).
Kinuna met OCD-Western Visayas Regional Director Raul Fernandez, 13,900 a tattao ti naapektaran iti panagbettak idi Disiembre 9, 2024, nababbaba ngem iti ninamnamada a 18,000 a tattao wenno 4,900 a pamilia nga adda iti five to six kilometre radius.
Inpakaammo ni Fernandez nga adda pay laeng ti pangta ti posible a panagbettak ken no maipangato ti alert level 5, lumawa ti danger zone agingga iti 14 a kilometro.
Impaganetgetna ti kasapulan ti panagridam ken panangsurot kadagiti protocol para iti kinatalged.
