Nagpakitang-gilas ti Phoenix Fuel Masters kalpasan a nakabawi manipod 18 points a gappuanan ti pannangabakda kontra Rain or Shine a dua a tawen nga awan ti abakna babaen ti iskor nga 87-83 iti PBA Commissioner’s Cup.
Gapu ti pannangabakda ket naputed ti 7-0 winning streak iti Rain or Shine ken bimmaba ti puntosda iti kababaaan iti conference. Kabayatanna, ngimmato ti 5-3 ti rekord ti Phoenix kalpasan iti maikadua a nagsaruno a pangabak.
Indauluan ni Jason Perkins iti Phoenix nga addaan iti duapulo a puntos idinto a naiposte met ni import James Dickey III ti double-double a 17 points ken 19 rebounds.
Segun ken ni coach Charles Tiu, kinaritna iti grupo iti halftime nga ituloy laeng ti panagala ti open shots ken dinayaw ti depensada a gappuanan ti comeback win-da.
