Awan iti pangta ti tsunami a manamnama iti probinsia kas pinasingkedan ni PHIVOLCS Director Renato Solidum kalpasan a a narikna ti magnitude 7.3 a gingined a nagsentro idiay Lagangilang, Abra ken tectonic iti nagtaudanna nga adda kaunegna a duapulo ket lima a kilometro.
Segun kenni Solidum, adda iti daga ti fault line isua saanna kabaelan a mapangato ti sea force iti kabaybayan.
Innayonna a kaadoan kadagiti pasdek iti probinsia ket nabayagen a naipatakder ken nabayagen a saan a nakarikna ti napigsa a gingined a rason nu apay nga ado dagiti nairekord a nadadael a balay ken imprastaktura.
Malaksid dayta, naingetda pay a banbantayan ti Immuli, Pidigan agsipud ta posible a nakaro nga agreggaay nu pumigsa pay ti gingined
nupay kasta, nagpalagip ti opisial nga agbalin latta nga alerto ken kitaen a naimbag dagiti pagtaengan ta manamnama pay dagiti aftershocks iti mano nga aldaw ngem masapol a saan nga agpanic ta iti importante ket adda iti natalged a lugar nu adda iti ginggined
