Philippine Bar Association, nakasagana nga agserbi kas host iti plano ti public debate iti nagbaetan da Carpio ken Marcoleta

Nakasagana ti Philippine Bar Association nga agserbi a host para iti public debate iti nagbaetan ni dati a Supreme Court Senior Associate Justice Antonio Carpio at Senator Rodante Marcoleta para iti “healthy discussion” mainaig iti West Philippine Sea.

Karaman kadagiti nakasagana nga ited ti PBA ti maysa a neutral ken secure venue para iti media coverage, ken public access, professional moderators a nalaing iti constitutional ken public law.

Inaramid ti grupo ti nadakamat a panangitukon kalpasan nga immanamong ni dati a Justice Carpio iti karit ni Marcoleta para iti maysa a friendly debate.

Segun iti Philippine Bar Association, napateg ti nakalukat, husto ken nasayaat a panagsinnukat ti ideya tapno maikkan ti impormasion dagiti umili.