Nangrugin ti Philippine Army team a makipaset iti search and rescue mission para kadagiti tattao idiay Myanmar a naapektaran iti magnitude 7.7 a gingined idi napan a lawas.
Pinasingkedan ti Philippine Army a ti 10-man Search and Rescue team manipud iti 525th Combat Engineer Battalion of Combat Engineer Regiment ket simmurot tapno akman ti specific designations kadua dagiti dadduma pay a contingent.
Segun iti Philippine Army, adda napateg nga akem ti SAR team iti humanitarian assistance ken disaster response kalpasan ti napigsa a gingined idiay Turkiye idi February 2023.
Immunan a nakasangpet idiay Myanmar idi April 1 ti 58 a miembro, idinto a ti second batch nga adda 33 a miembrona ket simmangpet idi April 2.
Ni Lt. Colonel Erwen Diploma ti mangidaulo iti Philippine contingent a buklen iti urban search ken rescue teams manipud iti Philippine Army, Philippine Air Force, Bureau of Fire Protection, Metropolitan Manila Development Authority, Department of Environment and Natural Resources ken Private Sector (EDC and APEX Mining).
Paset pay iti Philippine contingent ti medical assistance team manipud iti Department of Health ken coordinator manipud iti Office of Civil Defense.
