Nakaawat ti Philippine Army ti maysa a lokal a disenyo a Controller-Operated Battle Ready Armament (COBRA) manipod iti Department of Science and Technology (DOST) iti naisayangkat a turn-over ceremony idiay Armor Division’s headquarters idiay Camp O’Donnell, Capas, Tarlac.
Dayta ket maysa nga automated weapons system a saan a kasapulan nga i-expose dagiti suldado kadagiti heavy fire bayat nga agop-operate kadagiti heavy weapons.
Segun ken ni Army Chief Lt. Gen. Antonio Nafarrete, ti nasao a proyekto ket saan laeng a produkto ti National Defense no diketdi mangisimbolo a kabaelan iti pagilian nga agaramid iti bukod a kukua iti pagilian babaen iti siyensya ken teknolohia.
Mainaig dayta ket naimatangan dagiti opisyal ti Department of National Defense, DOST ken Philippine Army no kasano a naaramat ti nasao a Project COBRA.
