Ibilang ni Executive Secretary Ralph Recto a kadakkelan a universal healthcare iti pakasaritaan iti pagilian ti P113 billion a subsidiya iti Philippine Health Insurance Corporation (PhilHealth) para inton 2026.
Segun ken ni Recto, ti pinal a gatad ket nagtaud iti P53.13 billion nga orihinal a gakat ken iti P60 billion nga ipaspasubli ti Korte Suprema, kalpasan a saan a naaramat ken umuna a mayakar iti National Treasury.
Ingkari ti administrasyon a salakniban ti underprivileged Filipinos babaen iti nasaysayaat a healthcare.
Kinuna ni Recto a direkta a suportaran ti P113 billion subsidy ti kasapulan ti healthcare dagiti pamilia iti indigent, senior citizens, persons with disabilities, ken dadduma pay a vulnerable sectors tapno ad-adu a Pilipino iti mairanud iti napalawa a PhilHealth coverage nga awan ti nayon a magastos.
Siguradoenna a ti Department of Budget and Management ket agbalin a transparent iti panagiruar ti pondo tapno insigida a mayatiddog ti PhilHealth ti benepisyo ken makissayan ti out-of-pocket a gastos dagiti pamilia a Pilipino.
