Impasigurado ti Philippine Health Insurance Corporation nga adda makanay a pondoda tapno mapalawa dagiti benefit package iti publiko.
Dayta ket kasaruno ti pannakairusat tib aro a Z-Benefit Package para kadagiti ubbing ken ti post-kidney transplant patients ken dagiti kidney donors.
Segun ken ni Philhealth President ken CEO Dr. Edwin Mercado, adda ti P300 billion ti korporasyon para kadagiti benefit package ita a tawen.
Iti panaglukat ti baro a Kongreso, isagsaganadan dagiti projection iti pondo a kasapulan tapno suportaran dagiti benepisyo ken dadduma pay a programa a maipatungpal inton sumaruno a tawen.
Ad-adalen pay ti Philhealth ti posible nga epektona iti badyetda, no maaprubaran ti pannakaamyendar ti gakat iti Universal Healthcare Act, a mangtapyas iti premium nga ibaybayad dagiti miembro.
