Simmangpeten iti dua a C-130 planes a naglugan ti umuna a batch iti Philippine contingent iti Nai Pyi Taw Airport idiay Myanmar a mangipaay iti tulong kasaruno ti napasamak a magnitude 7.7 a ginggined.
Manipod siam a pulo ket maysa a Filipino volunteers, tallopulo ket dua iti naggapu iti DOH Philippine Emergency Medical Assistance Team a certified iti World Health Organization.
Ti umuna a batch iti PEMAT ket manipod iti Eastern Visayas Medical Center a buklen dagiti doktor, nurses, medical technologists, pharmacists, midwives, nursing attendants ken administrative, logistics ken technical staff.
Segun ken ni Health Secretary Ted Herbosa, masansan ti equipment-da ket self-sustaining a nasayaaten para iti dua a lawas ket nu masapul nga i-extent ket ag-resupply ken agsukatda iti sabali a team isu nga adda latta dagiti naka-standby.
Malaksid ti medical team, ti Philippine contingent para ti Myanmar mission ket buklen pat ti urban search and rescue teams manipod ti Philippine Army, Philippine Air Force, Bureau of Fire Protection, Metropolitan Manila Development Authority, Department of Environment and Natural Resources, ken ti private sector (EDC and APEX Mining).
Ti death toll idiay Myanmar kasaruno ti magnitude 7.7 a ginggined idi March 28 ket umaboten iti 2,065 ken nasurok 3,900 iti nadunor kasta payen a 270 iti mapukpukaw.
