--Ads--
Impasigurado ti Philippine Embassy idiay Washington nga awan pay ti naaw-awatda a report nga adda Pilipino a naapektaran iti Hurricane Helene iti US southeast ngem nainget ti panangbantayda.
Umabot iti 300,000 a Pilipino ti aggigyan kadagiti lugar a naapektaran iti Hurricane Helene.
Nakasagana met ti Philippine Embassy a mangted iti tulong kadagiti naapektaran iti Hurricane Helene kas idiay Georgia, Tennessee, ken ti Carolinas.
Ti Hurricane Helene, maysa a Category 4 storm ket naglandfall idiay Perry, Florida a ti anginna ket umabot iti 225 km kada oras.
-- ADVERTISEMENT --
Madakdakamat pay nga isu ti kapigsaan a bagyo a mangduprak iti Big Bend.
