Nagballaag ti Philippine Embassy iti Israel kadagiti Pilipino mainaig iti peggad ti panagbuya iti interception iti missile.
Dayta ket kalpasan a nangiruar ti report ti Israel Defense Forces Home Front Command a kaaduan kadagiti nadunor iti missile impact idiay Arad ken Dimona iti Israel ket dagiti saan a simrek wenno saan a dagus a nakasangpet iti shelter kalpasan a makaawat iti emergency alert.
Naammuan pay ti Embahada a sumagmamano kadagiti nadunor ket agbuybuya iti interception iti ruar wenno tumangtang-aw iti tawa kabayatan nga adda sirena.
Nagpalagip met ti Philippine Embassy iti Filipino community a no makaawatda iti emergency alert, ket dagus a mapan iti kaasitgan a shelter ken saan nga urayen pay ti second alert wenno panaguni ti sirena.
