Maiyetnag iti dusa kadagiti Philippine Army personnel a matakuatan nga agpaputok usar iti igamda bayat ti selebrasyon iti Baro a Tawen.
Segun ken ni PA spokesperson Col. Louie Dela-ala, aniaman a panaglabsing ket adda katukadna a dusa isu a pinalagipanna dagiti personnel nga agtalinaed a propersyunal sadinoman iti ayanda.
Immunan a nairekord dagiti otoridad ti maysa nga stray bullet fatality bayat ti holiday season a maysa a lalaki idiay Tondo, Manila iti natamaan bayat iti panaginumda iti Christmas Day.
Immunan a pinasingkedan ti Philippine National Police a pito a suspek iti indiscriminate firing iti nakemmeg manipod December 16 agingga 26.
Naiballaag pay kadagiti police personnel ken gun owners a mayetnag ti one-strike policy kontra kadagiti aglabsing ti gun regulations bayat ti holiday season.
