VIGAN CITY – Umaboten iti 2.2 M a gatad ti food packs ti naipaay ti Ilocos Sur Provincial Government kadagiti agindeg a naapektaran iti epekto ti habagat iti probinsia.
Iti pannaki-uman ti Bombo Radyo Vigan ken ni Governor Jerry Singson, ti gatad ti nasao a food packs ket naipaay kadagiti 10,050 a pamilia, katukad iti 35,375 a tattao.
1,177 met a tattao met ti agtaltalinaed kadagiti uppat a pulo ket siam nga evacuation center iti probinsia.
Dagiti apektado a pamilia iti ruar dagiti evacuation center ket umabot iti 2,570.
Sangapulo ket innem met a pagtaengan ti nadad-dadael a ti maysa ket isu ti totally-damaged.
Kabayatanna, ti imprastraktura ti nairekord a kadakkelan iti gatad a nadadael ta umabot iti PHP92M, sarunwen ti agrikultura a PHP950K ken PHP387K met iti livestock.
Dagiti datos ket manipud pay laeng kadagiti tallopulo ket maysa a Local Government Unit a nagireport ta iti agdama ket mayur-uray pay ti assessment manipud iti ili ti Sugpon, Alilem, ken San Esteban.
