--Ads--
Nagballaag ti Department of Foreign Affairs kadagiti Pilipino nga agridam ken liklikan a mabiktima iti human trafficking dagiti recruiter a mangididiaya iti job listings overseas a “too good to be true.”
Dayta ket kalpasan a pinasubli ti gobierno ditoy pagilian dagiti 206 a Pilipino a biktima iti human trafficking manipud Myanmar ita a lawas.
Immunan nga indaulwan ni De Vega ti napaspas a pannakapaawid dagiti 206 a Pilipino a napuersa nga agtrabaho kadagiti scam hub idiay Myanmar.
Impasigurado ni De Vega a dagiti 206 a repatriate ket makaala iti reintegration assistance manipud gobierno agraman ti P50,000 cash aid manipud Department of Migrant Workers malaksid pay iti USD200 nga impaay ti DFA bayat ti kaaddada idiay Thailand.
-- ADVERTISEMENT --
