Agpada a nadunor lalaki a bimmalasiw ken ti nangdungpar kenkuana a nakamotorsiklo iti national highway idiay Barangay Barangobong, Sta. Lucia, Ilocos Sur idi kalman, April 3, 2026.
Ti nagmaneho iti color orange a Honda Click 125 ket lalaki nga agtawen iti duapulo ket maysa, baro, delivery service water refilling ken agnaed idiay Purok 3, Marcos Rosario, La Union a holder iti Student Permit ken nagaramat iti protective helmet bayat iti insidente.
Ti met pedestrian ket agtawen iti uppat a pulo ket tallo, baro, awanan iti trabaho nga agnaed idiay Barangay Luba, Sta. Lucia.
Maibasar iti CCTV footage, ti pedestrian manippd iti east shoulder lane ket nagballasiw iti pedestrian crossing nga agturog iti laud idi dinungpar ti nakamotor a napaspas iti panagpatarayna nga agturong iti bagatan a direksyon.
Agpadada a nagsagaba iti dunor iti nadumaduma a paset iti bagi isu a naipanda iti Sta. Lucia District Hospital babaen iti MDRRMC-Sta. Lucia ken PNP personnel para iti pannakatamingda.
