Pedestrian a na-hit and run kadagiti dua a trak, natay  

Natay ti maysa nga agtawen iti duapulo ket uppat gapu iti napasamak a hit and run iti national highway ti Barangay Sidaoen, Sta. Cruz, Ilocos Sur.

Ti pedestrian ket agsagsagaba iti Down Syndrome, taga-Barangay Pilar.

Maibasar iti maysa a witness, maysa a napaspas ti patarayna a trak nga agpapa-amianan ti nangdungpar iti biktima isu a naipurwak iti bangir a linya ket dinungpar ken pinilidan manen ti maysa nga agpa-abagatan a trak.

Nagsagaba iti nakaro a dunor iti ulo ken fracture iti nadumaduma a paset ti bagi ti biktima a naipaagas iti ospital ngem naideklara a dead on arrival.