VIGAN CITY – Nakasangpeten idiay Cagayan dagiti kameng ti Provincial Disaster Risk and Reduction and Management Council – Ilocos Sur a tumulong kadagiti naapektaran a tattao iti nasao a probinsya.
Iti pannaki-uman ti Bombo Radyo Vigan kenni PDRRMC Officer Michael Chan, iururay da laengen a malpas iti briefing iti mismo a kapitolyo ti Cagayan tapno marugyanan iti panangtulong da kadagiti umili.
Rescue and Relief Operation iti isayangkat da kadagiti lugar a saan pay a naikkan ti relief goods kasta met kadagiti stranded nga umili.
Innayon ni Chan a plano da nga agturong idiay Isabela ngem gapo ta nasiaten iti kasasaad dan ket saan dan a matuloy.
Pakabuklan a tallo pulo ket lima a kameng ti PDRMMC iti nagturong iti nasao a probinsya tapno tumulong iti rescue and relief operation ti Cagayan.
