VIGAN CITY- Nakaalerto ti Provincial Disaster Risk Reduction and Management Council gapu iti napigsa a todo a mapaspasaran ti probinsiya gapu iti habagat a pinapigsa ti Bagyo Karding ken ti tropical depression nga adda iti ruar ti Philippine Area of Responsibility.
Segun kenni PDDRM officer Michael Chan, passable dagiti kalsada iti probinsiya ngem adda ti isolated case idiay Tagudin ta ngimmato ti danum isu a nangitunda ti temporaryo a saan a pannakadalyasat dagiti lugan idinto nga idiay Barangay Banaoang, Santa ket nagreggaay iti maysa a paset ti bantay iti igid ti national highway su a maysa a laen laeng iti kalsada iti nalukatan para kadagiti motorista.
Inlawlawag ni Chan a nadaras a malayus dagitik naduma-duma a lugar kadagitoy a panawen ta dagiti pagnaan iti danum ket napatakderanen kadagiti pagtaengan ket dagiti danum nga aggapu ti kabanbantayan ket nadarasen nga agpababa.
Para ti PDRRC Officer, makatulong ti panangpauneg kadagiti river basin tapno maliklikan ti layos ken napateg pay a mapalawa dagiti kankanal tapno naan-annayas iti panagtaray ti danum.
