Agtultuloy ti ar-aramiden nga assessment ti Ilocos Sur Provincial Disaster Risk Reduction and Management Council iti napasamak a magnitude 5.4 a gingined a nagsentro iti ili ti Luna, La Union ket narikna ti kapigsana kadagiti sumagmamano a lugar ditoy Ilocos Sur.
Segun ken ni PDRRM Officer Rhon Arquelada, awan ti ania man nga untoward incident a napasamak iti probinsia ken dagiti nadadael a sanikua gapu iti gingined.
Narikna ti Intensity IV iti siudad ti Vigan ken Candon idinto nga Intensity III iti ili ti Sinait.
Intensity II iti Bangued, Abra; Tagudin, Ilocos Norte, San Fernando ken Aringay, La Union; Bani, Infanta ken Bolinao, Pangasinan.
Intensity I met iti siudad ti Baguio.
Iti agdama, awan dagiti aftershocks a manamnama kalpasan ti gingined.
