--Ads--

Limapulo ket pito a mangngalap manipod ili ti Agno, Bani ken Bolinao idiay Pangasinan iti napadayawan gapu iti panangisublida ti nasarakanda a sinako a shabu nga aggatad iti P6.5 billion.

Dagiti sako iti illegal a shabu ket nasarakan a tumtumpaw iti agsina a paset iti coastal areas kadagiti nasao nga ili idi napan a bulan.

Ti nangipaay ti pammadayaw kadagiti mangngalap ket ti Philippine Drug Enforcement Agency (PDEA) kaduada dagiti local government officials.

Segun ti PDEA, ti seremonya ket napauluan a “Pagkilala sa nga Mangingisda Makabayan” gapu iti kinapudno ken integridad nga impakita dagiti mangmanggalap ta saanda nga indulin dagiti illegal a droga.

-- ADVERTISEMENT --

Ti seremonya ket indauluan ni PDEA chief Isagana Nerez, Pangasinan Gov. Ramon Guico III ken Mayor Jesus Celeste iti Bolinao, Facundo Palafox Jr. iti Bani ken John Celeste iti Agno karamanen dagiti mangibagi manipod Philippine National Police, Navy ken Coast Guard.

Nakaawat pay dagiti mangngalap iti grocery packs nga aggatad iti P10,000 ken certificates of recognition manipod PDEA.